شعر : هيام حمزة
يجوز تخدعني احلامي
او توجعني أيامي
وأكبر .. قلبي مايحسش
وجايز برضو روحي تشيب
واشوف الغيب
وألقي شمس يوم ماتغيب
…….
يجوز
يجوز اللي ماعمره يجوز
ممكن أغير وألعن دنيتي والغير
وجايز أعدي بحر الحب
. بطوق القلب
وأغوص وأطير
……
يجوز
يجوز قلبي جناح مكسور
بجوز ينبت له ريش مسحور
يواسيني ف ابات مجبور
واكون لحبايبي طاقه نور
وممكن اكون عدل وجور . .
حيطه وسور
وبير مسحور
………..
يجوز
يجوز تأسرني بملامة
او تعاتبني بمحبه
وعشان الدنيا دوامه
ياخدنا طريقنا لأحبه
ما فارقونا
وفات العمر …نسيونا
……
يجوز
ًيجوز انا وانت نتقابل
هنا وهناك
لوعدين كانوا يوم بينا
مانسمعشي ولا نسمح
بنبض فراق
نكون ترياق
لكل الكون
…….
يجوز
يجوز تنسوني وانساكم
في زحمه دنيا وخداكم
ولما وشوشنا تتقابل
يجوز جدا ماتعرفونيش.
………….
يجوز
يجوز ارحل بدون إخطار
بدون مواعيد ولا إنذار
وممكن ربي يرحمني
بدون اعذار
يجوز
يجوز اللي ماعمره يجوز
